வாழ்வதற்காக உண்கிறோம்.

தேவையானவை - மேல் மாவுக்கு: பச்சரிசி மாவு - 2 கப், நல்லெண்ணெய் - ஒரு டீஸ்பூன், உப்பு - தேவையான அளவு.

பூரணத்துக்கு: கறுப்பு எள், வெல்லம் - தலா 100 கிராம்.

செய்முறை: அடி கனமான பாத்திரத்தில் இரண்டு கப் தண்ணீரை விட்டு கொதிக்க விடவும். அதில்... உப்பு, நல்லெண்ணெய் சேர்க்கவும். கொதிக்கும்போதே, மாவைக் கொஞ்சம் கொஞ்சமாகத் தூவி, கட்டியில்லாமல் நன்கு கிளறவும். மாவு கெட்டியானதும் இறக்கி, 10 நிமிடம் ஈரத் துணியால் மூடி வைக்கவும்.

சுத்தம் செய்த எள்ளை, வெறும் கடாயில் போட்டு நன்கு வறுத்துப் பொடிக்கவும். வெல்லத்தைக் கரைத்து வடிகட்டி பாகு காய்ச்சவும். தூளாக்கிய எள்ளுப் பொடியை, அதனுடன் கலந்து சுருளக் கிளறவும். பூரணம் ரெடி!

தயார் செய்து வைத்துள்ள மேல் மாவை எடுத்து, கிண்ணம் போல் செய்து அதனுள்ளே எள்ளு பூரணத்தை வைத்து மூடி, ஆவியில் வேக விட்டு எடுத்தால் எள் கொழுக்கட்டை தயார்.